Москва ақалақь аҿы имҩаԥысит  ахәыҷқәа рзы еиҿкааз ашықәсҿыцазтәи акарнавал. Аныҳәа еиҿыркааит Урыстәылатәи Афедерациаҟны иҟоу Аԥсны Аҳәынҭқарра Ацҳаражәҳәарҭеи Москватәи аԥсуа диаспореи.

Аԥсны Аҳәынҭқарра Адәныҟатәи аусқәа рминистр Даур Ақаҩба Аԥсны Аҳәынҭқарра Аекономика аминистрра ашьақәгылара 25-шықәса ахыҵреи Аекономист имши Адгәыр Арӡынба идиныҳәалеит.

Аԥсны Адәныҟатәи аусқәа рминистрра адныҳәаларатә шәҟәы ашьҭит Ареспублика Арцах Адәныҟатәи аусқәа рминистррахь атәыла аҳәынҭқарратә хьыԥшымраз ареферендум амши Аконституциа амши  инарыдҳәаланы. Адныҳәалараҿы иаҳәоит:

Аԥсны Апарламент Аԥсни Шьамтәылеи рыбжьара аиҩызареи аусеицуреи рзы аиқәшаҳаҭрақәа ҩба:  «Аԥсны Аҳәынҭқарреи Шьамтәылатәи Арабтә республикеи рыбжьара аиҩызареи аусеицуреи рзы Аиқәшаҳаҭреи» «Аекономикеи, ахəаахəҭреи, аҭҵаарадырреи, атехникатəи, акультуратəи усеицуразы Шьамтәылеи Аҧсныи еицырзеиҧшу Аилак аҧҵаразы аиҳабырабжьаратə Еиқəшаҳаҭреи аратификациа рзнауит.

Аԥсны Адәныҟатәи аусқәа рминистрра  НАТО амаӡаныҟәгаҩ хада Иенс Столтенберг иҳәамҭа провокациак аҳасабала иаднакылеит. Уи аҳәамҭа арегион аҟны аибарххара иацнамҵозар иагнархом. Асеиԥш иҟоу европатәи ачынуаа рҳәамҭақәа атәыла-агрессор идгылароуп иаанаго.

Аԥснытәи аҿар рделегациа аҽаланархәит Жәларбжьаратәи аҿартә форум 6.0 "Территория развития", зықьҩыла Урыстәылеи адунеи егьырҭ атәылақәа жәпаки рҟынтәи аҿар злахәыз. Жәларбжьаратәи аҿартә форум 6.0 "Территория действия"мҩаԥысит Санкт-Петербург.

Аԥсны Адәныҟатәи аусқәа рминистр Даур Ақаҩба Ареспублика Никарагуа Адәныҟатәи аусқәа рминистр Денис Монкада Колиндрес ииубилеи идиныҳәалеит.

Шьамтәылатәи Арабтә республика ателехәаԥшра адырра ҟанаҵеит ЕАШ зхадараҿы иҟоу жәларбжьаратәи акоалициа апровинциа Деир-ез-Зор  аҳауаҟынтәи иалахысуан ҳәа. Иҟоуп аҭынч уааԥсыра рҟынтәи иҭахаз. Урҭ реиҳараҩык хәыҷқәоуп.

Аахыҵ Кавказ ашәарҭадареи аҭынчреи рҭышәныртәаларазы Женеватәи аиҿцәажәарақәа  46-тәи рраунд мҩаԥысраны иҟоуп ԥхынҷкәын 10-11 рзы. Уи аламҭалаз Аԥсныҟа иааиит  аиҿцәажәарақәа изаамҭанытәиу рлахәылацәа: Тоиво Клаар, Джихан Султаноглу, Рудольф Михалка.

Берлин, Азеиԥш бызшәадырра Леибниц-центр аҿы (ZAS) имҩаԥысит Жәларбжьаратәи аконференциа "Ақалақь дуқәа абызшәа маҷқәа". Иара иалахәын аҵарауаа-алингвистцәа, еиуеиԥшым адиаспорақәа рхаҭарнакцәа. Аԥсуаа, абаскцәа, акаталонцәа, анепалцәа, тагалогаа, фулаа уҳәа егьырҭгьы ирыман алшара ртәылеи рбызшәеи рҭоурых иалацәажәарц.

Аԥсны Адәныҟатәи аусқәа рминистрра агәҭынчымра аанарԥшуеит НАТО и Қырҭтәылеи рыбжьара аусеицура еиҳа-еиҳа ахьаҽарӷәӷәо.

2018 шықәса, абҵара 12 рзы Боливариантәи Ареспублика Венесуела агазеҭ  EL LIDER аҿы иркьыԥхьит астатиа «Аԥсны –аспорт атәыла»

Аԥснытәи Аҳәынҭқарратә усбарҭа «Аԥсуа ҳәынҭқарратә телерадиоеилахәыра» иахьа иналукааша аныҳәамш азгәанаҭоит. 40 шықәса – имаҷым ари аамҭа. Уаҩытәыҩсатә ԥсҭазаарак иаҟароу, зхатә ҭоурых беиа зымҽхазкхьоу, иара убри аамҭазгьы акыр шықәса лаша заԥхьаҟа иззыԥшу уалԥшьа дууп.

Жәлар ракзаара Амш аныҳәа инадҳәаланы, Аԥсны Адәныҟатәи аусқәа рминистр Даур Ақаҩба адныҳәаларатә шәҟәы ишьҭит Урыстәылатәи Афедерациа Адәныҟатәи аусқәа рминистр Сергеи Лавров иахь

Аԥсны Адәныҟатәи аусқәа рминистрра адышшыларатә шәҟәы нанашьҭит Индонезиа адәныҟатәи аусқәа рминистррахь адгьылбжьаха Иава ааигәара амшын иалаҳаз авиалаинер иҭаз 189-ҩык ауааԥсыра рыԥсҭазаара ралҵра инамаданы.

Москва имҩаԥысит изаамҭанытәиу аконсультациақәа, 2015 шықәса хәажәкыра 11 рзы Урыстәыла Адәныҟатәи аусқәа рминистрреи Аԥсны Адәныҟатәи аусқәа рминистрреи рыбжьара анапы зҵаҩу Амеморандуп иазыԥхьагәанаҭо адәныҟаполитикатә координациа амеханизм аҳәаақәа ирҭагӡаны.

2018 шықәса, жьҭаара 3 рзы Кишинев ақалақь аҳаиртә баӷәазаҿы аҳәаахьчаҩцәа атәыла аҵакырахь инармышьҭит Гәдоуҭа араион ахада Руслан Ладариеи Аԥсны Аҳәынҭқарраҿы иҟоу Приднестровиатәи Молдавиатә ареспублика аиҳабыра рхаҭарнак Гарри Кәыпалбеи. Дара ақалақь Дубассары Амш азгәаҭараз аныҳәаәт уснагӡатәқәа ирылахәхараны иҟан.

Жьҭаара 17 рзы Керчтәи аполитехникатә колледж аҟны иҟалаз аԥжәара иахҟьаны иҭахеит 19-ҩык, 50-ҩык рҟынӡа еиуеиԥшым ахәрақәа роуит.

«Аԥсны аҳәынҭқарратә хьыԥшымразы» Акт ареспублика Апарламент аҿы ирыдыркылеит 1999 шықәса жьҭаара 12 рзы. Жәлар Реизараҿ адокумент рыдыркылеит 1999 шықәса жьҭаара 3 рзы имҩаԥгаз азеиԥшмилаҭтә референдум ашьҭахь.

Ахаша, жьҭаара 3 рзы Аԥсны адәныҟатәи аусқәа рминистр Даур Ақаҩбеи Аахыҵ Уаԥстәыла адәныҟатәи аусқәа рминистр Дмитри Медоевы еиԥылеит. Аиԥылара ихы алаирхәит Аԥсны аиашахаҵаратә уахәама ахада аб Виссарион Аԥлиа.