2018 шықәса, жьҭаара 3 рзы Кишинев ақалақь аҳаиртә баӷәазаҿы аҳәаахьчаҩцәа атәыла аҵакырахь инармышьҭит Гәдоуҭа араион ахада Руслан Ладариеи Аԥсны Аҳәынҭқарраҿы иҟоу Приднестровиатәи Молдавиатә ареспублика аиҳабыра рхаҭарнак Гарри Кәыпалбеи. Дара ақалақь Дубассары Амш азгәаҭараз аныҳәаәт уснагӡатәқәа ирылахәхараны иҟан.

Жьҭаара 17 рзы Керчтәи аполитехникатә колледж аҟны иҟалаз аԥжәара иахҟьаны иҭахеит 19-ҩык, 50-ҩык рҟынӡа еиуеиԥшым ахәрақәа роуит.

«Аԥсны аҳәынҭқарратә хьыԥшымразы» Акт ареспублика Апарламент аҿы ирыдыркылеит 1999 шықәса жьҭаара 12 рзы. Жәлар Реизараҿ адокумент рыдыркылеит 1999 шықәса жьҭаара 3 рзы имҩаԥгаз азеиԥшмилаҭтә референдум ашьҭахь.

Ахаша, жьҭаара 3 рзы Аԥсны адәныҟатәи аусқәа рминистр Даур Ақаҩбеи Аахыҵ Уаԥстәыла адәныҟатәи аусқәа рминистр Дмитри Медоевы еиԥылеит. Аиԥылара ихы алаирхәит Аԥсны аиашахаҵаратә уахәама ахада аб Виссарион Аԥлиа.

Цәыббра 30 рзы Аԥсны иазгәарҭон Аиааиреи Ахьыԥшымреи рымш 25-шықәса ахыҵра.

Қырҭтәыла аԥыза-министр Мамука Бахтаӡе, ООН Ассамблеиа хадаҿы дықәгыло аԥсуааи ауаԥсқәеи «сџьынџьуаа» ҳәа  рзиҳәеит

Қырҭтәыла аԥыза-министр Мамука Бахтаӡе ООН амаӡаныҟәгаҩ хада Антониу Гутерриш диԥылеит. Аиԥылараҿы ирылацәажәан Женеватәи аиҿцәажәарақәа ԥхьаҟатәи рԥеиԥш, арегион аҿы аҭагылазаашьа.

Ирантәи ақалақь Ахваз аҿы аҭыԥ змаз атеррористтә акт инадҳәаланы Аԥсны адәныҟатәи аусқәа рминистрра адышшыларатә шәҟәы нанашьҭит Аислам Республика Иран Адәныҟатәи аусқәа рминистррахь.

2018 шықәса цәыббра 20 рзы Аԥсны адәныҟатәи аусқәа рминистрраҿы имҩаԥысит  Аԥсны адәныҟатәи аусқәа рминистр Даур Ақаҩбеи Женеватәи аиҿцәажәарақәа рыцхантәаҩцәа: Тоиво Клаари, Джихан Султаноглуи, Рудольф Мичалкеи рԥылара. Даур Ақаҩба идикылеит Женеватәи аиҿцәажәарақәа рлахәылацәа ҿыцқәа—ООН ахаҭарнак Џьихан Султаноглуи ОБСЕ ахаҭарнак ҷыда Рудольф Мичалкеи.

Аԥсны Адәныҟатәи аусқәа рминистрра адныҳәаларатә нота нанашьҭит Никарагуа Адәныҟатәи аусқәа рминистррахь Ахьыԥшымра амш  инамаданы

Аҧсны Аҳәынҭқарреи Урыстәылатәи Афедерациеи адәныҟатәи аусқәа рминистрцәа аҩҳәынҭқаррак адипломатиатә еизыҟазаашьақәа рыбжьаҵара 10-шықәса ахыҵра инамаданы адныҳәаларатә шәҟәқәа еимырдеит.

Аҧсни Урыстәылеи адәныҟатәи аусқәа рминистрцәа аҩҳәынҭқаррак адипломатиатә еизыҟазаашьақәа рыбжьаҵара 10-шықәса ахыҵра инамаданы адныҳәаларатә шәҟәқәа еимырдеит.

Цәыббрамза 12 рзы Гәдоуҭа ақалақь Акультура ахан аҟны имҩаҧысит Аҧсны Аҳәынҭқарра Аҧыза-министр, "Ахьӡ-Аҧша" аорден II аҩаӡара занашьоу Геннади Гагәылиа аҵыхәтәантәи имҩахь инаскьагара иазкыз аофициалтә церемониа.

Цәыббра 12 рзы Урыстәыла иҟоу Шьамтәылатәи Арабтә республика Ацҳаражәҳәаҩ Риад Хаддад Аԥсны Аԥыза-министр Геннади Гагәылиа иҭахара инадҳәаланы Урыстәыла иҟоу Аԥсны Ацҳаражәҳәарҭаҿ адышшыларатә шәҟәы аҩыра аниҵеит.

Геннади Гагәылиа машәырла иԥсҭазаара далҵит цәыббра 8 руха. Аԥсыжра ҟалоит цәыббра 12 рзы. Аԥыза-министр иҭахара инамаданы адышшыларатә шәҟәқәа хдыртит Урыстәыла иҟоу Аԥсны Ацҳаражәҳәарҭаҿы. Арахь иааиуеит хыԥхьаӡара рацәала ауаа ргәалсра рыцеиҩыршарц.

Аҧсны Аҳәынҭқарра Ахада, Аҧсны Аҳәынҭқарра Аиҳабыра, Геннади Гагәылиа иуацәеи иҭынхацәеи рыхьӡала адышшыларақәа аауеит иналукааша аҳәынҭқарратә усзуҩы, Аҧсны Аҳәынҭқарра Аҧыза-министр Геннади Леонид-иҧа Гагәылиа машәырла иҭахара инамаданы.

Геннади Гагәылиа машәырла иԥсҭазаара дахьалҵыз инамадан Боливариантәи Ареспублика Венесуела иҟоу Аԥсны Ацҳаражәҳәарҭахь цәыббра 10 рзы днеиит  Боливариантәи Ареспублика Венесуела иҟоу Никарагуа ареспублика Ацҳаражәҳәаҩ Иоска Кальдерон Боливариантәи Ареспублика Венесуела иҟоу Аԥсны Ацҳаражәҳәаҩ Заур Ӷәаџьаа дидышшыларц.

Геннади Гагәылиа машәырла иԥсҭазаара далҵит цәыббра 8 руха. Аԥсыжра ҟалоит цәыббра 12 рзы. Аԥыза-министр иҭахара инамаданы адышшыларатә шәҟәқәа хдыртит Урыстәыла иҟоу Аԥсны Ацҳаражәҳәарҭаҿы, Боливариантәи Ареспублика Венесуела иҟоу Аԥсны Ацҳаражәҳәарҭаҿы, Приднестровиатәи Молдавиатәи ареспубликаҿ иҟоу Аԥсны Ахаҭарнакраҿ, Ҭырқәтәылатәи ареспубликаҿ иҟоу Аԥсны Ахаҭарнакраҿ, Дамаск ақалақь арҵаҩцәа рконференц-зал ахыбраҿ.

Адәныҟатәи аусқәа рминистрра гәалсра дула ирыдашшылоит машәырла иҭахаз Аԥсны Аԥыза-министр Геннади Леонид-иԥа Гагәылиа иҭаацәа, иуацәа, иҭахцәа.

2018 шықәса нанҳәа 2 рзы Боливариантәи ареспублика Венесуела иҟоу  Аԥсны Аҳәынҭқарра Ацҳаражәҳәарҭаҿ имҩаԥысит  Жәларбжьаратәи аҳамҭа «FELICORPSDIPLOMATIC» (ФЕЛИКОРПС ДИПЛОМАТИК) Боливариантәи ареспублика Венесуела иҟоу  Аԥсны Аҳәынҭқарра Ацҳаражәҳәаҩ Заур Ӷәаџьаа ианашьара ацеремониа.