2021 шықәса нанҳәа 15 азы Дамаск иҟоу Индиа Ацҳаражәҳәарҭа ааԥхьарала Шьамтәылатәи Арабтә республика иҟоу Аԥсны Аҳәынҭқарра азинмчы змоу ацҳаражәҳәаҩ Баграт Хәытаба Ареспублика Индиа ахьыԥшымра 75-шықәса ахыҵра иазкыз ауснагӡатәқәа дрылахәын. Ауснагӡатәқәа иара убасгьы дрылахәын Шьамтәылатәи Арабтә республика иҟоу Аԥсны Аҳәынҭқарра Ацҳаражәҳәарҭа аполитикатә зҵаарақәа рзы абжьгаҩ Муҳаммад Али.

Ауснагӡатә иалахәын Шьамтәыла иҟоу аккредитациа змоу адипломатиатә усҳәарҭақәа.