Шьамтәылатәи Арабтә Республикаҿы иҟоу ачерқьес гәыҳалалратә Ассоциациа ааԥхьарала Шьамтәылатәи Арабтә Республикаҿы Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Муҳаммад Али Шьамтәыла иҟоу ачерқьес гәыҳалалратә Ассоциациа афольклортә музыкатә коллектив ансамбль «Аслан» ахьықәгылаз амузыкатә хәылԥазы «Кавказ ахаҭа аҟынтәи» даҭааит.
Дамассктәи аоператә театр аҿы имҩаԥысуаз аусмҩаԥгатә Шьамтәыла акультуреи аҿари аспорти Рминистрреи рхылаԥшрала аиҿкаара «Банафсаж» еиҿнакааз афестиваль «Ишракат» иахәҭакын.
Аконцерт амҩаԥгараан ансамбль иӡырнагеит кавказтәи акультуратә ҷыдара, уи асахьаркыратәи агуманисттәи беиарақәа аазырԥшуа амузыкатә рҿиамҭақәа реизга.