Жьҭаарамза 14 рзы, Ареспублика Никарагуа аҩныҵҟатәи аусқәа рминистрра анаԥхьарала, Никарагуа иҟоу анапынҵа ҷыдақәеи азинмчнагӡеи змоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа абжьгаҩ Алиас Аибеи Никарагуа аҩныҵҟатәи аусқәа рминистрра шьаҭаркуижьҭеи 45-шықәса аҵразы ауснагӡатә рхы аладырхәит.

Ауснагӡатә иалахәын Никарагуа ахада Даниель Ортега, ихаҭыԥуаҩ Росарио Мурильо, Никарагуа аиҳабыра рхаҭарнакцәа, атәылаҿы аккредитациа змоу адипломатцәа.