Аҷыдалкаатәи азинмчы змоуи Аԥсны ацҳаражәҳәаҩ Инар Ладариа 2022 шықәса ԥхынҷкәын 15 азы Ареспублика Никарагуа XXXVIII Амилаҭтә Ассамблеиа асессиа аилатәара далахәын.

Ареспублика Никарагуа XXXVIII Амилаҭтә Ассамблеиа асессиаҿы Апарламент аиҳабы Густаво Поррас Кортес инарҭбаау ажәахә ҟаиҵеит 2022 шықәсазы Ассамблеиа аусуразы.

Асессиа ахыркәшараан Апарламент аиҳабы иколлегацәеи асасцәеи иааиуа аныҳәамшқәа рыдиныҳәалеит.