2018 шықәса нанҳәа 2 рзы Боливариантәи ареспублика Венесуела иҟоу  Аԥсны Аҳәынҭқарра Ацҳаражәҳәарҭаҿ имҩаԥысит  Жәларбжьаратәи аҳамҭа «FELICORPSDIPLOMATIC» (ФЕЛИКОРПС ДИПЛОМАТИК) Боливариантәи ареспублика Венесуела иҟоу  Аԥсны Аҳәынҭқарра Ацҳаражәҳәаҩ Заур Ӷәаџьаа ианашьара ацеремониа.

Аԥсны Аҳәынҭқарреи Боливариантәи ареспублика Венесуелеи  рыбжьара аусеицура аҿиараҿ илагала ду азы  аноминациа «Адипломатиатә усураҿы» аҳамҭа Заур Ӷәаџьаа инапаҿы ииркит Апресс-корпорациа
«ПРЕНСАТУР» («PRENATUR») апрезидент Виктор Сид.

Ауснагӡатә иалахәын FELICORPS  акоординатор хада Мери Ураи, агазеҭ ElCaribazo акорреспондент Ана Тереса Дельгадо де Марин, Венесуела егьырҭ АИХқәа рхаҭарнакцәа.