Приднестровиа иҟоу Аԥсны Аҳәынҭқарра аофициалтә Хаҭарнакра Аԥсны Аҳәынҭқарра Актәи Ахада Владислав Арӡынба изкны “Владислав Арӡынба иԥсҭазаара аҟынтәи 80 еимгеимцара” ҳәа хьӡыс измоу афотоцәыргақәҵа еиҿнакааит, “Аԥсны Аԥа ду иԥсҭазааратә мҩа” ҳәа ажәахә аӡыргара мҩаԥнагеит.

Сынтәа, мшаԥы 9 азы, Тираспольтәи Суворов ихьӡ зху арратә ҵараиурҭа акурсантцәа Ахаҭарнакрахь инеиит афотоцәыргақәҵа абаразы, Владислав Арӡынба иԥсҭазаара иазку ажәахә иазыӡырҩырц.

ПМР аҟны Аԥсны Аҳәынҭқарра азинмчы змоу ахаҭарнак Александр Ватаман, Суворовтәи акурсантцәа бзиала шәаабеит ҳәа раҳәо, Аԥсны Аҳәынҭқарраҿы 2025 шықәса иналукааша аҳәынҭқарратә усзуҩ, ҳаамҭазтәи аԥсуа ҳәынҭқарра ашьаҭаркҩы, Аԥсны Аҳәынҭқарра Актәи Ахада, "Ахьӡ-Аԥша" аҩбатәи аҩаӡара аорден занашьоу, Аԥсны Афырхаҵа Владислав Григори-иԥа Арӡынба Ишықәс ҳәа ишрылаҳәоу иҳәеит.

Суворовтәи акурсантцәа Владислав Григори-иԥа Арӡынба иԥсҭазаара иазку афотосахьақәа 80 зныԥшуа афотоцәыргақәҵа иахәаԥшит, уи иԥсҭазаара иазку ажәахә иазыӡырҩит.

Аиԥылара ахыркәшамҭаз Суворовтәи акурсантцәа рцәаныррақәа ирылацәажәеит, Агәалашәара ашәҟәыҿы азгәаҭақәа аанрыжьит.

Ихарҭәааны асаит аҟны: Приднестровиатәи Молдавтәи Ареспубликаҟны иҟоу Аԥсны Аҳәынҭқарра Аофициалтә Хаҭарнакра