Жьҭаара 23 рзы Р. Гәымба ихьӡ зху Аԥснытәи аҳәынҭқарратә филармониа аҿы Алиса Гыцԥҳа напхгара ззылуа IV Жәларбжьаратәи амузыкатә аицлабра-лабораториа «Амузыка – дгьыли ҳәааи зыбжьам адиалог» аҿы аиааира згаз аԥхьахәқәа ранашьара аныҳәатә церемониа мҩаԥган.
Иҷыдоу аҳамҭа – аԥсуа поетцәа ражәеинраалақәа рыла ишьақәыргылоу Хьыбла Амҷԥҳа лромансқәа ҩба рҭаҩ ранашьоуп – Давид Чакриани (Аԥсны Аҳәынҭқарра) Полина Тихоновеи (Урыстәылатәи Афедерациа).