Ареспублика Никарагуа анапхгара рнаԥхьарала Ареспублика Венесуела иҟоу Аԥсны Аҳәынҭқарра азинмчнагӡа змоу ацҳаражәҳәаҩ Заур Ӷәаџьаа Никарагуа Асандинисттә револиуциа 43-шықәса ахыҵраз имҩаԥгаз ауснагӡатәқәа дрылахәын.
Аныҳәатә церемониа мҩаԥысит Каракас ақалақь аҿы.
Аныҳәатә хҭыс рхы аладырхәит Боливариантәи Ареспублика Венесуела адипломатиатә миссиақәа рхаҭарнакцәа, Адәныҟатәи аусқәа рминистрра ахаҭарнакцәа, АИХқәа рхаҭарнакцәа.
