Аԥсны адәныҟатәи аусқәа рминистр Даур Ақаҩба Урыстәыла адәныҟатәи аусқәа рминистр Сергеи Лавров Урыстәыла Амш идиныҳәалеит.

Адныҳәаларатә шәҟәаҿы иҳәоуп:

«Урыстәылатәи Афедерациа – зқьышықәсала зҭоурых дуу, милаҭрацәалатәи аилазаара еиқәырханы иаазго тәылоуп. Миллионҩыла ауаа Урыстәыла ԥсадгьылны иршьоит.

Ашьақәгылареи аҿиареи рымҩа уадаҩ ианысыз Урыстәылатәи Афедерациа иахьа адунеи аҟны иналукааша, амч ду змоу тәылоуп.

Рашәара 12 – ари ажәлар ракзаареи рдоуҳатә беиареи ирныҳәоуп. Иара убри аамҭазы иаҳгәаланаршәоит абиԥарақәа рышьҭреимдара.

Абри аныҳәамш аҽны, Сергеи Виктор-иԥа, азин сышәҭ Урыстәыла ажәлар зегьы ирзеиӷьасшьарц аҭынчреи ақәҿиарақәеи».