Аԥсны Аҳәынҭқарра адәныҟатәи аусқәа рминистрра Аахыҵ Уаԥстәылатәи Ареспублика адәныҟатәи аусқәа рминистррахь адашшыларатә шәҟәы рышьҭит 2008 шықәса нанҳәамзазы иҟалаз арыцҳаратә хҭысқәа жәибжь шықәса рхыҵра инамаданы.
Ашәҟәаҿы, ҷыдала, иазгәаҭоуп:
«2008 шықәса нанҳәамзазы иҟалаз ахҭысқәа наунагӡа аҭоурых аҿы иаанхоит Қырҭтәыла Аахыҵ Уаԥстәыла ауааԥсыра рганахь ала имҩаԥнагаз ицәгьоуратәу, иуаҩымратәу агрессиа аҳасаб ала. Иуадаҩыз аамҭазы агәымшәареи афырхаҵареи аазырԥшыз Аахыҵ Уаԥстәыла ажәлар изықәшәаз ауадаҩра иақәнагоу аҭак арҭеит. Иахьа ҳаҭыр дула иаҳгәалаҳаршәоит ахақәиҭра зыԥсҭазаара ахҭынҵаны, еиҵагыло абиԥарақәа рзы аҭынчреи аҭышәынтәалареи аазгаз зегьы.
Ари агәалашәаратә мшы аҽны Аԥсны Аҳәынҭқарра Аахыҵ Уаԥстәыла аиашьаратә жәлар ишрыдгыло азгәаҭо, 2008 шықәса нанҳәамзатәи Хәымштәи аибашьраан иҭахаз рзы ргәырҩа рыцеиҩыршоит».