Аԥсны Аҳәынҭқарра адәныҟатәи аусқәа рминистрра Приднестровиатәи Молдавиатәи ареспублика иҟоу Аԥсны Аҳәынҭқарра аофициалтә Хаҭарнакрахь Приднестровиатәи Молдавиатәи ареспублика ақалақь Бендера аҿтәи атрагедиа 33 шықәса ахыҵра инамаданы адашшылара ҟанаҵеит.
Адашшылараҿы иаҳәоит:
«Ари агәалашәареи агәырҩеи Рымш аҽны, ҳара Приднестровие ажәлар ахақәиҭреи аиашареи рзы рықәԥараҿы ирхыргаз ррыцҳарақәеи рхьааи рыцеиҩаҳшоит. Преднистровие ахьчаҩцәа рфырхаҵара, аҭынч уааԥсыра ргәымшәара ахааназ аиашамра аҿагылара иаҿырԥшыганы иҟазаауеит.
Ас еиԥш аԥышәарақәа ирхысхьоу Аԥсны ажәлар иҵаулаӡаны еилыркаауеит ихьыԥшымкәа аԥеиԥш аӡбаразы азин аиураз ахә ҳарак шшәатәу».