Аԥсны адәныҟатәи аусқәа рминистрра Боливариантәи Ареспублика Венесуела адәныҟатәи аусқәа Рминистррахь адныҳәаларатә нота нанашьҭит Боливариантәи Ареспублика Венесуела ахьыԥшымра Амш инамаданы.

Анотаҿы, ахәҭакахьала иазгәаҭоуп:

"Ари амш Венесуела аҭоурых аҿы акрызҵазкуа рыцхәуп. Уи иаанарԥшуеит шәҳәынҭқарра аҭоурых аҿы аера ҿыц алагара, Венесуела ажәлар ахақәиҭреи ахалаҿиареи рзы иҟарҵаз аҭоурыхтә алхреи, амилаҭтә акзаареи ирсимволуп.

Аԥсны Аҳәынҭқарра Боливариантәи Ареспублика Венесуелеи иареи ҩ-ганктәи реизыҟазаашьа ԥсахрада аҵак ҷыда анаҭоит, агәрагареи аинтересқәа рыпринципқәа шьаҭас измоу аҳәынҭқаррабжьаратә еинырра аринахысгьы арҵаулара ишазҿлымҳау аанарԥшуеит. Инарҵауланы агәра ганы иҟоуп уи азы иахәҭоу алшарақәа шыҟоу».

Аԥсны адәныҟатәи аусқәа рминистрра иара убасгьы Венесуела аиҩызаратә жәлар аҭынчреи аизҳазыӷьареи рзеиӷьанашьеит.