Аԥсны Адәныҟатәи аусқәа рминистрра Приднестровиатәи Молдавиатәи Ареспублика Адәныҟатәи аусқәа рминистрра адныҳәаларатә шәҟәы азынанашьҭит адипломатиатә усзуҩы Имш инамаданы.
Адныҳәалараҿы иазгәаҭоуп:
«Апрофессионализм ҳарак, аҳәынҭқарра аинтересқәа аԥхьагылара рыҭара ԥсахрада иалыркаауеит, Приднестровиатәи Молдавиатәи Ареспублика ажәлар рхатәҳәаақәҵареи рҭоурыхтә иашареи рзы рзин азы ақәԥараҿы иӡрыжәу, Приднестровиатәи адипломатиа.
Агуманитартә ҟазшьа змоу ауадаҩрақәеи аекономикатә блокадеи ирыхьмырԥшыкәа Приднестровиатәи адипломатцәа фырхаҵарыла, узҵашьыцша ахачҳара аарԥшны Приднестровиатәи Молдавиатәи Ареспублика аинтересқәа рыхьчоит, уи Аԥсны Аҳәынҭқарраҿ аџьшьареи апатуқәҵара ҵаулеи цәырнагоит».
Аԥсны АдәАР хра злоу аусеицуреи астратегиатә еиҩызареи аринахысгьы аҿиара шаиуазы агәрагара аанарԥшит.