Шьамтәылатәи Арабтәи Республика адәныҟатәи аусқәеи аҳәаанырцә иҟоу ҳџьынџьуаа русқәеи рминистр Асад Ҳасан Аль-Шаибани Олег Барцыц Аԥсны Аҳәынҭқарра адәныҟатәи аусқәа рминистрс иҟаҵара идиныҳәалеит.
Адныҳәалараҿы иҳәоуп:
“Гәахәара дула Аԥсны Аҳәынҭқарра адәныҟатәи аусқәа рминистр имаҵураҭыԥ аҿы шәыҟазаара инамаданы гәык-ԥсык алатәи адныҳәалара шәзынаҳашьҭуеит.
Исымоу алшара схы иархәаны, Шәара шәаҳаракыра, шәнапы иану аҭакԥхықәрақәа рынагӡараҿы агәабзиареи, аманшәалареи, ақәҿиарақәеи шәзеиӷьасшьар сҭахуп, иара убасгьы агәыӷра сымоуп шәара сареи ҳаицхырааны аҩ-тәылак рыбжьара ҩ-ганктәи аизыҟазаашьақәа рырӷәӷәареи, еиуеиԥшым ахырхарҭақәа рыла ҳусеицура арҵаулареи ҳалшап ҳәа”.