Ԥхынгәы 21 рзы Шьамтәыла Адәныҟатәи аусқәа рминистрраҟны Аԥыза-министр ихаҭыԥуаҩ, Адәныҟатәи аусқәеи аџьынџьуаа русқәа рзи аминистр Уалид аль-Муаллем дидикылеит Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәаҩ Баграт Хәытаба.

Баграт Хәытаба Уалид аль-Муаллем Агәраргагатә шәҟәқәа инапаҭы ииҭеит.

Аиԥылараҿы ирылацәажәан ҩ-ганктәи аиҩызаратә еизыҟазаашьақәа, ԥхьаҟатәи аусеицура аҿиара.