Аԥсны Аҳәынҭқарра Адәныҟатәи аусқәа рминистрра аделегациа, Аԥсны Аҳәынҭқарра Адәныҟатәи аусқәа рминистр Даур Ақаҩба зхадараҿы дыҟоу аделегациа Ареспублика Арцах иҟоуп. Авизит аҳәаақәа ирҭагӡаны имҩаԥысит Аԥсны Адәныҟатәи аусқәа рминистр Даур Ақаҩбеи Ареспублика Арцах Аҳәынҭқарратә министр Араик Арутиуниани реиԥылара.
Аиԥылараан иалацәажәан ҩ-ганктәи аусеицура.

Иалацәажәеит иара убасгьы Аԥсни Арцахи ахәаахәҭратә Ҩнқәа раартра азҵаара. Иара убасгьы ирзааҭгылеит еиуеиԥшым азҵаарақәа.

Аԥсны аделегациа алахәын аерман жәлар ргеноцид иаланҵәаз ргәалашәара иазку амемориалтә баҟа аҿаԥхьа ашәҭшьыҵәрақәа рышьҭаҵара ацеремониа.