Боливариантәи Ареспублика Венесуела адәныҟатәи аусқәа рминистр Иван Хиль Аԥсны адәныҟатәи аусқәа рминистр Сергеи Шамба 1992-1993 шықәсқәа раантәи Аџьынџьтәылатә еибашьра Аиааира 31-шықәса ахыҵра идиныҳәалеит.

Адныҳәалараҟны иҳәоуп:

«Боливариантәи Ареспублика Венесуела ажәлар, анапхгара, хаҭала сара сыхьӡала ишәыдаҳныҳәалоит Аԥсны Аҳәынҭқарра Ахьыԥшымра амшныҳәа 31-шықәса ахыҵра.

Ҳаҭыр зқәу аминистр, абри акрызҵазкуа амш аҽны сара инаҵшьны иазгәасҭар сҭахуп Аԥсны аҭоурыхтә фырхаҵара, адунеи ажәларқәа ирзин хадоу ахьыԥшымреи асуверинитети рзы аԥсуа жәлар рыгәаӷьра.

Ари ахҭыс ишьақәнарӷәӷәоит Боливариантәи Ареспубликеи Аԥсны Аҳәынҭқарреи реиҳабырақәа ахалахатәҳәаақәҵара, аҳаҭыреиқәҵара, аҭынчра ахьчара рыпринципқәа шьаҭаны измоу ахырхарҭарацәатә дунеи аргылараҟны аусеицура ишазыхиоу».