Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела Адәныҟатәи аусқәа рминистр Феликс Рамон Пласенсиа Гонсалес идиныҳәалеит Венесуела Адәныҟатәи аусқәеи адәныҟатәи ахәаахәҭреи рминистрс иҟалара.

Адныҳәалараҿы иазгәаҭоуп:

"Жәаҳәарада агәра ганы сыҟоуп аҳәынҭқарратә маҵзураҿы аԥышәа дуи шәзанааҭдырра ҳараки Боливариантәи Ареспублика Венесуела жәларбжьаратәи аренаҿы апозициақәа аринахысгьы рырӷәӷәаразы хра злоу шәусура шасыс ишаиуа.

Ахә ҳаракны исшьоит ҳҳәынҭқаррақәа рыбжьара ишьақәгылаз аидгыларатә еизыҟазаашьақәа.

Агәра ганы сыҟоуп ҳамчқәа еилаҵаны аринахысгьы зформат наӡоу ҩ-ганктәи аусеицуреи астратегиатә еинырреи шҳарҿиало, ҵак ҿыцла ишхаҳарҭәаало. Уи, хымԥада, ҳаиҩызаратә жәларқәа реизҳазыӷьара хәарҭа ду анаҭоит».