Рашәарамза 30 азы Аԥсны Аҳәынҭқарра Адәныҟатәи аусқәа рминистр Инал Арӡынбеи Антигуеи Барбудеи Адәныҟатәи аусқәеи, жәларбжьаратәи ахәаахәҭреи, аиммиграциеи рминистр Пол Чет Грини ҭелла еицәажәеит.

Аганқәа еиуеиԥшым аҳәынҭқаррабжьаратә еинырразы азҵаарақәа ирылацәажәеит, иазааҭгылеит ахәаахәҭра-економикатә еизыҟазаашьа, агуманитартә усеицура аҿиара.

Наҟ-ааҟгьы аганқәа иаадырԥшит ԥхьаҟатәи аинырра аҿиараз аинтерес ду.

Аицәажәара аконструктивтәи аиҩызаратәи ҟазшьа аманы имҩаԥысит.