Германиатәи Афедеративтә Республикаҿы Аԥсны Аҳәынҭқарра азинмчы нагӡа змоу ахаҭарнак Хьыбла Амҷԥҳа Евразиатәи Аилазаара (Берлин) анапхгара ааԥхьарала итрадициатәу Қьырсаныҳәа ахәылԥаз даҭааит.

Традициала, Қьырсаныҳәа аламҭалазы, Евразиатәи Аилазаара, аполитолог, аҭоурыхдырҩы, ашәҟәыҩҩы Александр Глебович Рар инапхгарала, абри аҩыза ауснагӡатәқәа мҩаԥнагоит.

Аилазаара активла аус ауеит, еицырдыруа аполитикцәеи, ауаажәларратә усзуҩцәеи, аҵарауааи рлекциақәа, реиҿцәажәарақәа, рӡыргарақәа еиҿнакаауеит, иахьатәи адунеизегьтәи аҭоурыхтәи темақәа рылацәажәаразы аплатформа аԥҵоит.

Ахәылԥаз мҩаԥысит иԥхоу, аиҩызаратә ҭагылазаашьала, уи алахәылацәа ргәаанагарақәеи ридеиақәеи реимдара алнаршеит