Абҵара 4 рзы Аԥсны Адәныҟатәи аусқәа рминистр Даур Ақаҩба анемец журнал «Der Spiegel» акорреспондент Вальтер Маиер аинтервиу ииҭеит.

Анемец корреспондент иҿцәажәараан Даур Ақаҩба ареспублика адәныҟаполитикатә усбарҭа аусуреи ԥхьаҟатәи ашьаҿақәеи дрылацәажәеит. Аиԥылараан иара убасгьы ирзааҭгылан Аԥсны атәылауаа адунеи аҿы ԥымкрыда рынеиҭаҵ-ааиҭаҵра, женеватәи аиԥыларақәа изаамҭанытәиу рраунд, акрызҵазкуа еиуеиԥшым атемақәа.