2025 шықәса ԥхынгәымза 19 азы, Асандинисттә револиуциа Аиааира агара 46 шықәса ахыҵра иазку аныҳәатә уснагӡатәқәа рҳәаа иҭагӡаны, Аԥсны Аҳәынҭқарра адәныҟатәи аусқәа рминистр Олег Барцыци ателехәаԥшратә медиа-холдинг «Телесур» ахада Патрисиа Вильегаси еиԥылеит.

Олег Барцыци Патрисиа Вильегаси 2017 шықәса хәажәкыра 7 азы анапы зҵаҩыз аилибакааразы Амеморандум шьаҭас иҟаҵаны, Аԥсны Аҳәынҭқарреи Боливариантәи Ареспублика Венесуелеи рыбжьара аинформациеи, ажәабжьқәеи, егьырҭ аматериалқәеи реимдаразы аусеицура аиҭашьақәыргыларазы агәазыҳәара аадырԥшит.

Телесур – Латинтәи Америкаҿы имедиа-гигантуп, уи аштаб-квартира Каракас ақалақь аҿы иҟоуп, адунеи атәылақәа 27 рҿы аус ауеит.