2025 шықәса ԥхынгәымза 19 азы, Асандинисттә револиуциа Аиааира агара 46 шықәса ахыҵра иазку аныҳәатә уснагӡатәқәа рҳәаа иҭагӡаны, Аԥсны Аҳәынҭқарра адәныҟатәи аусқәа рминистр Олег Барцыци Венесуела адәныҟатәи аусқәа рминистр Иван Хиль Пинтои еиԥылеит.

Аминистрцәа аҩ-ганктәи аҳәынҭқаррабжьаратә усеицура арӷәӷәара аинтерес азаадырԥшит, анаҩстәи апрактикатә шьаҿақәа рзы ргәаанагарақәа еибырҳәеит.

Аиԥылараан Олег Барцыц Венесуелатәи иколлега Иван Хиль Пинто ианизыманшәалоу аамҭазы Аԥсны Аҳәынҭқарра даҭаарц ааԥхьара ииҭеит.