Аԥсны ААР иаднакылоит Аԥсны Аҳәынҭқарра атәылауаа Урыстәыла Адәныҟатәи аусқәа рминистрра Адипломатиатә академиахь рҭаларазы адокументқәа рыдкылара.

Аквота ала Академиахь аҳәаанырцә тәылауаа рыдкылара мҩаԥысуеит Урыстәыла ахада Иусԥҟа №5 (04.01.2010ш.) инақәыршәаны.

Аԥышәарақәа раан ироуз абаллқәа ирхьырԥшны еилкаахоит Адипломатиатә Академиа аҭалара зылшаз.

Актәи аетап аан абитуриентцәа аминистррахь инаргароуп абарҭ адокументқәа:

1) иалху ахырхарҭа арбаны арзаҳал («жәларбжьаратәи аизыҟазаашьақәеи жәларбжьаратәи азини», «адунеизегьтә економика» www.dipacademy.ru);
2) Аԥсны аҩныҵҟатәии аҳәаанырцәтәии тәылауаҩшәҟәқәа рыхкьыԥхьаа;
3) ашкол аҟынтәи актәи ашықәсбжаз аҵараҵаратә ршаҳаҭга.

Аиндаҭларақәа актәи ретап мҩаԥысуеит аиҿцәажәарақәеи аԥышәарақәеи рыла.

Мшаԥы 11 – аиҿцәажәара (Аԥсны аҭоурых, Урыстәыла аҭоурых, ҳаамҭазтәи агеополитикатә процессқәа);

Мшаԥы 12 – аԥышәара (атәымбызшәа (ҩыралеи ҿырҳәалеи));

Мшаԥы 13 – аԥышәара (аурыс бызшәа (адиктант)).

Адокументқәа рынашьҭра аамҭа:

Хәажәкыра 29 – мшаԥы 8. 2022 шықәса.

Азҵаарақәа рыҭареи аиныррази аҽҭаҩра алшоит: аҭел.: +7 840 229 75 86