ПМА Адәныҟатәи аусқәа рминистр Витали Игнатьеви ПМА аҟны Аԥсны Аҳәынҭқарра ахаҭарнакс иҟоу Александр Ватамани реиԥылара мҩаԥысит

ПМА Адәныҟатәи аусқәа рминистр Витали Игнатьеви ПМА аҟны Аԥсны Аҳәынҭқарра ахаҭарнакс иҟоу Александр Ватамани реиԥылара мҩаԥысит
4 October 2017 684
Приднестровиатәи Молдавиатәи Ареспублика Адәныҟатәи аусқәа рминистр Витали Игнатьеви Приднестровиатәи Молдавиатәи Ареспублика аҟны Аԥсны Аҳәынҭқарра ахаҭарнакс иҟоу Александр Ватамани реиԥылара мҩаԥысит жьҭаара 4 рзы Приднестровиатәи Молдавиатәи Ареспублика Адәныҟатәи аусқәа рминистрраҟны.

АҞӘА, жьҭаара 4 – Sputnik.  Аиԥылара мҩаԥган Приднестровиатәи Молдавиатәи Ареспублика аҟны Аԥсны Аҳәынҭқарра ахаҭарнакс иҟоу Александр Ватаман иаԥшьгарала. Аиԥылара иатема хаданы иҟан Приднестровиатәи Молдавиатәи Ареспублика аделегациа, зхадараҟны Приднестровиатәи Молдавиатәи Ареспублика Ахада Вадим Красносельски дыҟаз, Аԥсны аҟазаара аихшьаалақәа.

Приднестровиатәи Молдавиатәи Ареспублика аделегациа Аԥсны аҭаара аҽазныкгьы ишьақәнарӷәӷәеит Аԥсни Приднестровиеи реашьаратә еизыҟазаашьақәа. Аиԥылараан иазгәаҭан арҭ аҩ-тәылак ҭоурыхк ишеиднаҳәало.

Абри иашьананы иазгәаҭан Приднестровиатәи Молдавиатәи Ареспублика Ахада Вадим Красносельски Аҟәа ақалақь аҟны имҩаԥысуаз «Ԥсра зқәым аполк» иалахәра. Акциа амҩаԥысраан Приднестровие Ахада имҩанигеит 1992-1993шш. рзтәи Аԥсны жәлар Рџьынџьтәылатә еибашьра хатәгәаԥхарала иааны зҽалазырхәыз Роман Радковски ифотосахьа.

Роман Радковски дҭахоит 1993 шықәса мшаԥымза 17 рзы Шрома ақыҭан. Анышә дамадоуп Аԥсны.

Александр Ватаман иазгәеиҭеит цәыббра 30 Аԥсны жәлар рзы иҷыдоу рыцхәны ишыҟоу.

Аделегациа Аԥсны аҟазаараан анапы рыҵаҩын акрызҵазкуа ашәҟәқәа: Приднестровиатәи Молдавиатәи Ареспубликеи Аԥсны Аҳәынҭқарреи рыбжьара аиҩызаразы еиҭарҿыцу аиқәшаҳаҭреи аҵара аусхк аҟны аусеицуразы аиқәшаҳаҭреи.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: