Ԥхынҷкәын 6 рзы Венесуела Амилаҭтә Ассамблеиахь алхрақәа мҩаԥысит. Заанаҵтәи Боливариантәи Ареспублика Венесуела амилаҭтә алхратә хеилак адыррақәа рыла Венесуела Иаку асоциалисттә партиа «Великий патриотический полюс» зхадараҿы иҟоу аидгыла аиааира агеит, Апарламент аҿы абжьеиҳа аиуит. Абжьыҭара аихшьаалақәа азхеиҵеит атәыла ахада Николас Мадуро.
Ҳара ҳаигәырӷьоит Венесуела ҭынчымҩалеи аартыралеи имҩаԥысыз алхрақәа, венесуелатәи ажәлар рҭахрақәа аазырԥшыз. Венесуелатәи алхратә система аҽазныкгьы иаанарԥшит алхратә процесси адемократиатә принципқәеи аԥыжәара шрырҭо.
Ииасыз алхрақәа аҽазныкгьы ишьақәдырӷәӷәеит Боливариантәи ареволиуциа аиааира, шаҳаҭра ауеит «Великии патриотически полюс» Уго Чавес ишьҭрамҩа ишықәло азы.
Аԥсны Аҳәынҭқарраҿы ахә ҳаракны иршьоит ҳҳәынҭқаррақәа рыбжьара иҟоу аиҩызареи аилибакаареи. Ҳара ҳазыхиоуп хырхарҭарацәала аинырра, ԥхьаҟатәи ҳаизыҟазаашьақәа рырҿиара.