Аԥсны Адәныҟатәи аусқәа рминистр Даур Ақаҩбеи Женеватәи аиҿцәажәарақәа рыцхантәаҩцәа Тоиво Клаари, Џьихан Султаноглуи Рудольф Михалкеи реиԥылара мҩаԥысит цәыббра 18 рзы.

Аиԥылара аԥсуа ган аҟынтәи иалахәын: Аԥсны адәныҟатәи аусқәа рминистр ихаҭыԥуаҩ Иракли Ҭыжәба, Аԥсны Ашәарҭадаратә маҵзура ахантәаҩ ихаҭарнак Владимир Арлан, Аԥсны адәныҟатәи аусқәа рминистрра ахаҭарнакцәа Лаша Аҩӡбеи Артур Гагәылиеи.

Женеватәи аиҿцәажәарақәа изаамҭанытәу 49-тәи рраунд амҩаԥгара азыԥхьагәаҭоуп цәыббра 8-9 рзы.
Аԥсны Адәныҟатәи аусқәа рминистр Даур Ақаҩбеи Женеватәи аиҿцәажәарақәа рыцхантәаҩцәа Тоиво Клаари, Џьихан Султаноглуи Рудольф Михалкеи реиԥылараан Қырҭтәылеи Аахыҵ Уаԥстәылеи реизыҟазаашьа азҵаара агәҭынчымра шрызцәырнаго рҳәеит.

Қырҭтәылеи Аахыҵ Уаԥстәылеи реизыҟазаашьа еибарххеит ақырҭуа ган атәылақәа рҳәааҿы аблокпост аргылара ианалага инаркны. Уажәы Женеватәи аиҿцәажәарақәа рҿы Қырҭтәылеи Аахыҵ Уаԥстәылеи реизыҟазаашьа иалацәажәараны иҟоуп. Женеватәи аиҿцәажәарақәа изаамҭанытәу 49-тәи рраунд амҩаԥгара азыԥхьагәаҭоуп цәыббра 8-9 рзы.

Тоиво Клаар иҳәоит ари азҵаара араунда амҩаԥысраан ихадоу аҭыԥ шааннакыло.
"Аҭагылазаашьа агәҭынчымра ду цәырнагоит. Ҳара ҳганахь ала иалшоны иҟоу ацхыраара ҟаҳҵоит» ҳәа азгәалҭеит Џьихан Султаноглу.

Иара убасгьы аиԥылара алахәылацәа азхьаԥшра арҭеит агуманитартә ҟазшьа змоу азҵаарақәа, актуалтә зҵаарақәа.