Абҵара 22 азы Аԥсны адәныҟатәи аусқәа рминистр ихаҭыԥуаҩ Иракли Ҭыжәба идикылеит Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рыцхантәаҩцәа рделегациа.

Аделегациа иалахәын ЕЕ ахаҭарнак ҷыда Тоиво Клаар, ЕАР ахаҭарнак ҷыда Џьихан Султаноглу, ОБСЕ ахаҭарнак ҷыда Виорело Мошан.

Аиԥылараҿы иара убасгьы ирылацәажәан Гал ақалақь аҿы ахҭысқәа раԥырҟәҟәаареи хырыҩ рыҭареи рзы Амеханизм аусура ахацыркра, арегион аҿы ашәарҭадара азҵаарақәа.

Аԥсны АдәАР аҟны аганқәа алацәажәеит изаамҭанытәиу Женеватәи аиԥылара.

Аиԥылара мҩаԥысраны иҟоуп 2023 шықәса ԥхынҷкәын 5-6 рзы.