Аԥсны Адәныҟатәи аусқәа рминистр Даур Ақаҩба адныҳәаларатә шәҟәы изынаишьҭит Аахыҵ Уаԥстәыла Адәныҟатәи аусқәа рминистр Дмитри Медоев, Аахыҵ Уаԥстәыла Аконституциа адкылара амш 20 шықәса ахыҵра инадҳәаланы.
Адныҳәалараҟны иаҳәоит:
«Аҳәынҭқарреи атәылауааи рыԥсҭазаараҿы Аконституциа ароль ду нанагӡоит. Аахыҵ Уаԥстәыла Аконституциа аҵак ду аманы иҟоуп, символра ауеит адемократиатә ҳәынҭқарра ашьақәгылара ишаҿу азы, иара убасгьы Аахыҵ Уаԥстәыла асоциал-економикатә шәарҭадареи аҭышәынтәалареи рырӷәӷәаразы.
Аконституциа аншәыдышәкылаз амш инаркны иахьанӡатәи аамҭа иаанарԥшуеит адокумент хра ду аманы ишыҟоу. Агәра згоит Аахыҵ Уаԥстәыла ажәлар ԥхьаҟагьы адемократиа амҩа ишанымҵуа, атәыла Аконституциа инақәыршәаны рыҿиара шымҩаԥырго».