Аԥсны Адәныҟатәи аусқәа рминистр Инал Арӡынба Аԥсны иҟоу Молдавиатәи Приднестровиатәи ареспублика Ахаҭарнакра ахада Гарри Кәыпалба идиныҳәалеит Аԥсны иҟоу Молдавиатәи Приднестровиатәи ареспублика Ахаҭарнакра шьаҭаркуижьҭеи 15-шықәса аҵра.
Адныҳәалараҟны иаҳәоит:
«Ҳаҭыр ду шшәықәысҵо азгәаҭо адныҳәалара шәзынасышьҭуеит Аԥсны иҟоу Молдавиатәи Приднестровиатәи ареспублика Ахаҭарнакра шьаҭаркуижьҭеи 15-шықәса аҵра инадҳәаланы. Ахаҭарнакра аартра иҿыцу етапны иазыҟалеит ареспубликақәа рыҩба русеицразы. Ахаҭарнакра иаҳхысыз аамҭақәа раан аусура ду мҩаԥнагеит, алагала ду ҟанаҵеит ҳтәылақәеи ҳажәларқәеи реинырраҿы.
Агәра згоит Аԥсны иҟоу Молдавиатәи Приднестровиатәи ареспублика Ахаҭарнакра ԥхьаҟагьы Аԥсны Аҳәынҭқарреи Молдавиатәи Приднестровиатәи ареспубликеи реизыҟазаашьа арҿиараҿы алшамҭа дуқәа шаланагало».