Урыстәыла Амш инамаданы Аԥсны Аҳәынҭқарра Адәныҟатәи аусқәа рминистр Инал Арӡынба Урыстәылатәи Афедерациа Адәныҟатәи аусқәа рминистр Сергеи Лавров дидныҳәалеит.

Адныҳәалараҿы иаҳәоит:

«Ари аныҳәа исуверентәу аҳәынҭқарра аргылараз амҩа иашьананы иҟоуп. Иҭәуп доуҳатә ҵакыла, еиднакылоит милаҭ рацәала еилоу Урыстәыла ажәлар.

Урыстәылатәи Афедерациа – адемократиеи, ахақәиҭреи егьырҭ хәызмоу аҭагылазаашьақәеи ҵаҵӷәны иззыҟоу иахьа жәларбжьаратә аренаҿы иналукааша ҳәынҭқарроуп.

Аԥсны Аҳәынҭқарреи Урыстәылатәи Афедерациеи реизыҟазаашьа аҩаӡара атәылақәа рыҩбагь рышьагәыҭ жәларқәа ринтересқәа ишрықәшәо агәра ганы сыҟоуп».