Аԥсны Адәныҟатәи аусқәа рминистрра адышшыларатә шәҟәы нанашьҭит Индонезиа адәныҟатәи аусқәа рминистррахь адгьылбжьаха Иава ааигәара амшын иалаҳаз авиалаинер иҭаз 189-ҩык ауааԥсыра рыԥсҭазаара ралҵра инамаданы.

Адышшыларатә шәҟәы аҿы иаҳәоит:

«Аԥсны Адәныҟатәи аусқәа рминистрра Индонезиа адәныҟатәи аусқәа рминистрра иадышшылоит иҟалаз арыцҳара инамаданы.

Ҳшәыҳәоит иҭахаз ргәакьацәа, рҭаацәа ргәырҩа шрыцеиҩаҳшо рашәҳәарц» ҳәа.