Абҵара 4 рзы Аԥсны Адәныҟатәи аусқәа рминистрраҿы имҩаԥысит аминистр Даур Ақаҩбеи Аԥсны Аҳәынҭқарраҿы иҟоу Приднестровиа-Молдавиатәи Ареспублика ахаҭарнак Александр Ватамани реиԥылара.

Аиԥылараан Аԥсны Адәныҟатәи аусқәа рминистр Даур Ақаҩбеи Аԥсны Аҳәынҭқарраҿы иҟоу Приднестровиа-Молдавиатәи Ареспублика ахаҭарнак Александр Ватамани ареспубликақәа реизыҟазаашьа иалацәажәеит, иазгәеиҭеит русура аҵак ду аманы ишыҟоу, агәыӷрагьы аадырԥшит ԥхьаҟагьы аусеицура ишацҵахо азы.