Аԥсны Адәныҟатәи аусқәа рминистр Инал Арӡынба Никарагуа Адәныҟатәи аусқәа рминистр Денис Монкада Колиндрес имшира инадҳәаланы адныҳәаларатә шәҟәы изишьҭит.
Адныҳәалараҿы иазгәаҭоуп:
«Аԥсны Аҳәынҭқарреи Ареспублика Никарагуеи рыбжьара наҟ-ааҟ хра ззеицрымоу аусеицуреи аинырреи рырҿиара иазырхоу шәусура ҳтәылақәа рыҩбагьы рыжәларқәа ринтересқәа ирықәшәоит.
Абҵарамзазы Аԥсны Аҳәынҭқарра аделегациа Ареспублика Никарагуа рыҟазаара аҳәаақәа ирҭагӡаны иалыршахаз аиқәшаҳаҭрақәа ԥхьаҟагьы аинырра ҿыцқәа раԥҵара иацхраауеит.
Агәра шәсыргар сҭахуп ҳтәылақәеи ҳажәларқәеи реимабзиаразы аицусура сшазыхиоу».