Аԥсны Адәныҟатәи аусқәа рминистр Инал Арӡынба Аԥсны Ацҳаражәҳәарҭа аколлектив анапхгаҩ ҿыц, Алхас Кәыҵниа, дыдирдырит.

Инал Арӡынба иажәахә аҿы инаҵшьны иазгәеиҭеит Ацҳаражәҳәарҭа Аԥсны амилаҭтә интересқәа мҩаԥызго центрны иҟалар шакәу.

«Аԥсны ахада Ацҳаражәҳәарҭа аусура аманиторинг мҩаԥигалоит. Ҳгәыӷуеит аусбарҭа аусура хра аманы иҟалап, аизҳара аиуп ҳәа» - иҳәеит аминистр.

Алхас Кәыҵниа ҭабуп ҳәа ахиҳәааит Аслан Бжьаниа иҟаиҵаз агәрагара, агәыӷра ааирԥшит адипломатиатә хаҭарнакра аусура алҵшәа бзиақәа аиуп ҳәа.

Алхас Кәыҵниа Урыстәылатәи афедерациаҟны Аԥсны Аҳәынҭқарра азинмчра нагӡа змоу цҳаражәҳәаҩыс иҟаларазы Аусԥҟа анапы аҵаҩын 2022 шықәса абҵара 30 азы.