Ԥхынҷкәын 1 азы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр ихаҭыԥуаҩ Кан Ҭаниа ипресс-конференциа, Италиа иҟазаара аихшьаалақәа ирызкны.

Аԥсны Адәныҟатәи аусқәа рминистрраҟны имҩаԥысыз Аԥсны Адәныҟатәи аусқәа рминистр ихаҭыԥуаҩ Кан Ҭаниа ипресс-конференциаҟны инарҭбааны далацәажәеит Италиа иҟазаара атәы иара убасгьы аԥсуа дипломатиа аҵыхәтәантәи ашықәсқәа рзы имҩаԥнагахьо аусурақәа ртәы.

Далацәажәеит Италиа иаарту Аԥсны Ахаҭарнакра аартра.

2016- 2017 шықәсқәа рзы Италиа иаартын ассоциациа "Европа – Аԥсны", анаҩсан Аԥсны Ахәаахәҭра-Ааглыхратә палата ахаҭарнакра Рим ақалақь аҟны, ашьҭахь Аԥсуа культура аинститут, абри атәы иҳәеит Аԥсны адәныҟатәи аусқәа рминистр ихаҭыԥуаҩ Кан Ҭаниа.

"Уажәы ашықәс ахыркәшамҭаз Италиа  сусутә ҭаара аҳәақәа ирҭагӡаны  Аԥсны адипломатиатә Хаҭарнакра  аартхеит. Уи аԥхьаҟа иаартын Италиа иаартын ассоциациа "Европа – Аԥсны", анаҩсан Аԥсны Ахәаахәҭра-Ааглыхратә палата ахаҭарнакра Рим ақалақь аҟны, ашьҭахь Аԥсуа культура аинститут", — иҳәеит Ҭаниа.

Иааидкыланы Италиа иҟазааразы Кан Ҭаниа акыр хра змаз ныҟәаран ҳәа азгәеиҭеит.



Нильс Скотт иԥылара мҩаԥысит Адәныҟатәи аусқәа рминистрраҟны

Ԥхынҷкәын 1 азы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр Даур Ақаҩбеи ООН аҿиара Апрограмма (UNDP) акоординатор Нильс Скотти реиԥылара.

Аиԥылара иалахәын аиҿкаара Европеи Азиеи рҟны Ахаҭарнак Раимунд Иеле, Аахыҵ Кавказ аҭынчреи аҿиареи рызҵаарақәа рзы абжьгаҩ Олег Процик.

Аиԥылараҟны ирылацәажәан Аԥсны аус зуа жәларбжьаратәи аиҿкаарақәа русушьа.