Мшаԥы 27 азы Аԥсны адәныҟатәи аусқәа рминистр Инал Арӡынба «Соловьев Live» аефир аҿы Владимир Соловьев аинтервиу ииҭеит.

Инал Арӡынба дрылацәажәеит аԥсны-урыстәылатә ҳәынҭқаррабжьаратә еизыҟазаашьақәа, Украина, Приднестровиа Молдавиатәи Ареспублика рҿы иҟоу аҭагылазаашьа, арегионалтә шәарҭадара азҵаара.

Аефир аҳәаақәа ирҭагӡаны Инал Арӡынба аԥсны-урыстәылатә ҳәынҭқарратә ҳәаа ахысра армариара, агибридтә информациатә еибашьра, Жәларбжьаратәи Женеватәи аиҿцәажәарақәа рызҵаарақәа дырзааҭгылеит.

Иара убасгьы еиҭеиҳәеит Аԥсны ахьыԥшымреи асуверинитети азхазҵаз атәылақәа: Шьамтәылатәи Арабтә Республикеи, Ареспубликақәа Венесуелеи Никарагуеи иареи реизыҟазаашьақәа.