Аԥсны Аҳәынҭқарра Адәныҟатәи аусқәа рминистрра ахҳәаа

Аԥсны Аҳәынҭқарра Адәныҟатәи аусқәа рминистрра ахҳәаа
14 July 2020 53

Ареспубликатә уаажәларратә еиҿкаара «Аруаа» ааԥхьара ҟанаҵеит Аԥсны ахада Аслан Бжьаниа иахь Аԥсни Қырҭтәылеи ԥхьаҟатәи реизыҟазаашьақәа дышрыхәаԥшуа атәы далацәажәарц.

Иазгәаҭазар ҳҭахуп акыршықәса рыҩныҵҟа ҳтәылақәа рыбжьара ишьақәгыланы иҟоу аизыҟазаашьақәа акыр ишеибарххоу, антагонизм ҟазшьа шрымоу, аамҭа-аамҭалагьы бџьаршьҭыхлатәи аиҿагыларақәа рҟазшьа шаархәо. Иахьатәи аамҭазы Аԥсны Аҳәынҭқарра адунеижәларбжьаратә аренаҟны иарбанызаалак аинтересқәа ахьчартә аиԥш аҭагылазаашьа аманы иҟам.

Аԥсны, еицырдыруа адунеитә еиҿкаарақәа: ООН, ОБСЕ, Еврохеилак реиԥш иҟоу ирылахәым. Аԥсны Аҳәынҭқарра злахәу изаҵәу жәларбжьаратә форматны иҟоу Аахыҵ Кавказ аҭынчреи ашәарҭадареи рҭышәныртәаларазы Женеватәи аиҿцәажәарақәа заҵәык роуп. Ари аиҿкаара аԥҵан Урыстәылеи Франциеи рхадацәа раԥшьгаралеи ООН, ЕС, ОБСЕ рыцхырааралеи. Убри аан Аԥсны ауаажәларра-политикатә усзуҩцәақәак ари аформат рқьышә иқәырҵоит, уи аҟны еиҭакрак ыҟам ҳәа азыԥхьаӡаны. Женеватәи аиҿцәажәарақәа ирус хаданы ишьо Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩраз акомпромиссӡбарақәа рыԥшаароуп.

Ҳтәылауаа ршәарҭадара аиқәыршәара ихадоу усуп. Ҳаргьы абри апостулат аԥыжәара аҭаны ҳус наҳагӡоит.

Иаҳҳәаз шьаҭас иҟаҵаны ишьақәҳарӷәӷәоит Аԥсни Қырҭтәылеи рыбжьара аиқәшаҳаҭра анапаҵаҩра Аԥсны Аҳәынҭқарра адәныҟатә политика иахықәкы хаданы ишыҟоу.

Аԥсны ахада арҭ атезисқәа дырзааҭгылеит ааигәа имҩаԥигаз апресс-конференциқәа рҿы. Аринахысгьы атәыла ахада игәҭаку Аԥсны Аҳәынҭқарра аинтересқәа ишалшо ала рыдгылароуп.

Аԥсны Аҳәынҭқарра ихьыԥшым, исуверентәу ҳәынҭқарроуп, астатусгьы Аконституциа ианыԥшуеит, иарбанызаалак ҭагылазаашьакгьы иазыԥсахраны иҟаӡам.

Убри аан ҳаартуп, иҟоу аҭагылазаашьа ҳазнеишьа ҳацеиҩызшо ҳпартниорцәа зегьы аус рыцуреи рнырреи ҳазыхиоуп.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: