Мшаԥымза 27, 2026 шықәса рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Заур Ӷәаџьаа Венесуела Адәныҟатәи аусқәа рминистрра ааԥхьарала аҭынчра ахьӡала аганрацәареи адипломатиеи Жәларбжьаратәи рымш азгәаҭара иазкыз аконференциа ихы алаирхәит.
Аусмҩаԥгатә мҩаԥысит аҭоурыхтә хыбра «Каса Амарилиа» (Casa Amarilla) азал «Сукре» (Salón Sucre) аҿы — аҳәаанырцәтәи аусқәа рзы жәлар рымчра Аминистрра аштаб-квартираҟны.
Ганрацәалатәи азҵаарақәа рзы аминистр ихаҭыԥуаҩ Александр Ианьес аиԥылара ааиртит, инаҵшьны иазгәеиҭеит: «Аганрацәара, ари амч аасҭа ахшыҩ аԥыжәара шамоу агәра узырго мыругоуп; ари иарбанызаалак тәылак, аҳәынҭқарра дуқәагьы налаҵаны, ахала аглобалтә ааԥхьарақәа риааира шзалымшо азхаҵароуп».
Венесуела иҟоу Еиду амилаҭқәа реиҿкаара еснагьтәи акоординатор Џьанлука Рамполла иазгәеиҭеит аганрацәара аҭынчра афрагментациа атымитыша азышьҭра алмыршаразы иааиԥмырҟьаӡакәа аполитикатә гәаԥхарамч зҭаху аколлективтә ҽазышәарақәа ишрылҵшәоу.
Америка ажәларқәа рзы Боливариантәи алианс (АЛБА) анагӡаратә маӡаныҟәгаҩ Рандер Пениа аҭынчреи асоциалтә иашареи, иара убас Панамтәи аконгресс аҭынхеи еиҿирԥшит. Иара иҳәеит: «аҭынчра ӷәӷәа баша аибашьра аҟамзаара акәӡам иаанаго, уи ажәларқәа зегьы рзы иаԥсоу аԥсҭазааратә ҭагылазаашьақәа рыҟазаароуп» ҳәа.
Аиԥылара ахыркәшамҭаз аминистр ихаҭыԥуаҩ Ианьес, Симон Боливар иидеиақәа аполиаррацәатәи ацентррацәатәи дунеи аԥҵаразы ҳаамҭазтәи ақәԥара иадиҳәалеит, ганкахьалатәи мчылатәи ауснагӡатәқәа жәларбжьаратәи азин антитезак аҳасабала рхархәара дақәыӡбеит.
Аусмҩаԥгатә рхы аладырхәит Венесуела аккредитациа змоу адипломатиатә миссиақәа рыцҳаражәҳәаҩцәеи рхадацәеи, Венесуела Адәныҟатәи аусқәа рминистрреи АИХқәеи рхаҭарнакцәа.
