Дубоссари ақалақьи араиони ауааԥсыра рыԥсадгьыл рыхьчон 1990 - 1992 шықәсқәа рзы. Аԥсны азы ихьанҭаз амшқәа раан урҭ аганахь имгылакәа Аԥсны ацхырааразиааит ақырҭуа мпыҵахалаҩцәа ирҿагыланы ақәԥараз.
Дубоссар ақалақь аҭаара хацыркын Приднестровие Молдавиатәи Ареспубликаҿ иҟоу Аԥсны Аҳәынҭқарра азинмчы змоу ахаҭарнак Александра Ватамани Дубоссартәи араиони Дубоссар ақалақьи рҳәынҭқарратә Усбарҭа анаԥхгаҩы Руслан Чабани реиԥылара ала.
Аиԥылара иара убасгьы рхы аладырхәит ПМР иҟоу Аахыҵ Уаԥстәыла Ареспублика аофициалтә Хаҭарнакра анапхгаҩы Витали Ианковски, Дубоссартәи Жәлар Рдепутатцәа Рхеилак ахантәаҩы Александр Коломыцев, Дубоссартәи аҳәынҭқарратә Усбарҭа анапхгаҩы ихаҭыԥуаа, Дубоссартәи ПКК аказакцәа рраион атаман, 1996 ашықәс азы Аԥсны имҩаԥысуаз аҭынчратә усмҩаԥгатәқәа хазы иҟаз анџьныртә рота акомандаҟаҵаҩ иҳасаб ала ирылахәыз Александр Дорма.
