2024 шықәса цәыббра 2 азы Ареспублика Никарагуа иҟоу Аԥсны Аҳәынҭқарра азинмчнагӡа змоу ацҳаражәҳәаҩ Инар Ладариеи Ацҳаражәҳәарҭа абжьгаҩ Алиас Аибеи Ареспублика Никарагуа Арратә мчқәа рышьаҭаркра 45 шықәса ахыҵра аныҳәа иалахәын.

Ауснагӡатә иалахәын: Ареспублика Никарагуа ахада Даниель Ортега, ахада ихаҭыԥуаҩ Росарио Мурильо, Ареспублика Никарагуа аминистррақәеи аусбарҭақәеи рхаҭарнакцәа, иара убасгьы Никарагуа аккредитациа змоу ажурналистцәа, Урыстәыла, Венесуела, Китаи, Мексика, Гондурас, Гватемала рырратә мчрақәа рхаҭарнакцәа.

Даниель Ортега адныҳәаларатә жәахә ҟаҵо еиҭеиҳәеит Никарагуа Арбџьар мчқәа реиҿкаара аҭоурых. Иара убасгьы дырзааҭгылеит жәларбжьаратәи аполитикатә темақәа, Мраҭашәаратәи атәәылақәа рхадацәа рахь ааԥхьара ҟаиҵеит ажәлар иалырхыз Венесуела ахада Николас Мадуро дазхарҵарц. Никарагуа ахада Украина анеонацизм иаҿагыло Урыстәыла дшадгылаҩу иҳәеит.

Команданте Ортега Израиль апалестин жәлар зҭанаргылаз арыцҳарагьы иаҩмыжьуа иазгәеиҭеит уаҵәтәи адунеи аԥеиԥш аибашьрақәа рыҟамзаароуп ҳәа.