2025 шықәса цәыббра 24 рзы Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи рхы аладырхәит Урыстәылатәи арегион ҿыцқәа – Донецктәи жәлар Рреспублика, Лугансктәи жәлар Рреспублика, Запорожиеи Херсонтәии аобластқәа Урыстәылатәи Афедерациа иахәҭакны рыдыркылара Ареспублика Никарагуа иахьазханаҵаз иазкыз аныҳәатә усмҩаԥгатә иалахәын.
Аусмҩаԥгатә аҳәаақәа ирҭагӡаны, Урыстәыла арегион ҿыцқәеи Урыстәылеи Никарагуеи ирыбжьоу аиашьаратә еизыҟазаашьақәеи ирызку афотоцәыргақәҵа аартреи RT адокументалтә фильм "Мариуполь азы аибашьра" дырбареи мҩаԥган.
Аныҳәатә усмҩаԥгатә рхы аладырхәит Никарагуа Амилаҭтә Еизара ахада Густаво Поррас, Никарагуа адәныҟатәи аусқәа рминистр Вальдрак Џьентске, Манагуа ақалақь ахада Реина Руеда, егьырҭ Никарагуа аиҳабыра рхаҭарнакцәа.
