Заур Ӷәаџьаа ахақәиҭтәҩы Симон Боливар иԥсҭазаара далҵижьҭеи 194 шықәса аҵра инамаданы имҩаԥгаз ацеремониа ихы алаирхәит

Заур Ӷәаџьаа ахақәиҭтәҩы Симон Боливар иԥсҭазаара далҵижьҭеи 194 шықәса аҵра инамаданы имҩаԥгаз ацеремониа ихы алаирхәит
18 December 2024 119

2024 шықәса ԥхынҷкәынмза 17 рзы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела Адәныҟатәи Аусқәа Рминистрра ааԥхьарала Симон Боливар иԥсҭазаара далҵижьҭеи 194 шықәса аҵра инамаданы имҩаԥгаз ацеремониа ихы алаирхәит.

Ахақәиҭтәҩы Симон Боливар игәалашәара иазку ацеремониа мҩаԥысит Каракас ақалақь аҿы иҟоу Амилаҭтә Пантеон аҿы.

Аусмҩаԥгатә ахантәаҩыс дыҟан Венесуела ахада ихаҭыԥуаҩ Делси Родригес, иара иалахәын аполитикатә усқәеи, атәылауаҩратә шәарҭадареи, аҭынчреи рзы Аҳәынҭқарра ахада ихаҭыԥуаҩ Диосдадо Кабелло, аполитикатә суверенитети, ашәарҭадареи, аҭынчреи рзы Аҳәынҭқарра ахада ихаҭыԥуаҩ, Атәылахьчара аминистр Владимир Падрино Лопес, Адәныҟатәи аусқәа рминистр Иван Хиль, Венесуелатәи анапхгареи атәылаҿы аккредитациа змоу адипломаттә корпуси рхаҭарнакцәа.

Аҳәынҭқарра ахада ихаҭыԥуаҩ лажәахә аҿы иазгәалҭеит, ҷыдала, Боливар Латинтәи Америка акзаарахь иҟаиҵаз ааԥхьара, ауаҩи, аиашареи аиҟарареи рахь имаз игәрахаҵара ҵаула, иоптимизм . Делси даҽазныкгьы ишьақәлырӷәӷәеит Венесуела ажәлар Симон Боливар имҩа ишанымҵуа, рыԥсадгьыл зымпыҵазхалар зҭаху амчрақәеи аҳәынҭқаррақәеи рҿаԥхьа рсуверенитет ԥхьаҟагьы ишырыхьчало.

X

Форма обратной связи

ФИО:
E-MAIL:
Телефон:
Ваше сообщение: