Аахыҵ Уаԥстәылатәи Ареспублика иаҿагыланы Қырҭтәыла агрессиа амҩаԥгара 16 шықәса ахыҵра инадҳәаланы Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра адышшыларатә шәҟәы азынанашьҭит.

Ашәҟәаҿы иазгәаҭоуп:

«2008 шықәса нанҳәа 8 ахааназгьы Аахыҵ Уаԥстәыла аҭоурых адаҟьаҿы игәыҭшьаагоу рыцхәны иаанхоит.

Фырхаҵара згым, аӡәк иеиԥш зыԥсадгьыл ахьчараз игылаз Аахыҵ Уаԥстәыла ажәлар Урыстәылатәи аруаа рываргыланы аибашьра ҭазҵаз ақырҭуа агрессор ииааира рылшеит.

Абри игәыхьу амш аҽны Аԥсны иқәынхо ажәлар иргәаладыршәоит зыԥсадгьыл зхы ақәызҵаз аибашьцәеи аӷа иагрессиа иахәхаз Аахыҵ Уаԥстәыла аҭынч уааԥсыреи».