Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра Заратәи атрагедиа иалаӡыз ргәалашәара Амш инамаданы адышшыларатә шәҟәы азынанашьҭит.
Ашәҟәаҿы иаҳәоит:
"Аԥсны Аҳәынҭқарра Аахыҵ Уаԥстәыла аиашьаратә жәлар ари агәалашәаратә мшы азы рхьааи ргәырҩеи рыцеиҩнашоит. Ари арыцхә аибашьра ашықәсқәа раан Аахыҵ Уаԥстәыла аҭынч уааԥсыра зықәшәаз аԥышәара хьанҭақәа ирсимволуп.
Қырҭтәыла аганахьала бџьаршьҭыхлатәи агрессиа зхызгаз аԥсуа жәларгьы аӡәгьы иеиԥшымкәа еилыркаауеит акгьы зхарам аԥсҭазаарақәа рцәыӡра ахьаа закәу".