2024 шықәса нанҳәа 9 азы аԥсуа-аахыҵуаԥстәылатәии аԥсуа-приднестровиатәии аизыҟазаашьақәа ирылацәажәеит Аԥсны Адәныҟатәи аусқәа рминистр Сергеи Шамбеи, Аԥсны иҟоу Аахыҵ Уаԥстәыла ацҳаражәҳәаҩ Олег Боциеви, Аԥсны иҟоу Приднестровие ахаҭарнак ҷыда Гарри Купалба.

Олег Боциеви Гарри Купалбеи Сергеи Шамба идырныҳәалеит адәныҟаполитикатә усбарҭа дахьахагылаз.

Аиԥылараан аганқәа алацәажәеит ԥхьаҟатәи ашьаҿақәа аҳәынҭқаррабжьаратә еизыҟазаашьақәа рырҿиареи рырӷәӷәареи рзы.

Аиԥылара мҩаԥысит аиҩызаратә ҟазшьа аманы, аԥхарра аҵаны.