Жьҭаара 1 2024 шықәсазы Аԥсны адәныҟатәи аусқәа рминистрраҟны имҩаԥысит Аԥсны адәныҟатәи аусқәа рминистр Сергеи Шамбеи Урыстәыла Аҳәынҭқарратә Дума адепутат Анастасиа Удальцовеи реиԥылара. Аиԥылара далахәын Адәныҟатәи аусқәа рминистрра Аконсултә департамент аиҳабы Лаша Аҩӡба.

Аиԥылараан аԥсуа-аурыс еинырреи аусеицуреи рактуалтә зҵаарақәа рзы агәаанагарақәа еимдан.

Анастасиа Удальцова Аԥсныҟа дааит 1992-1993 шықәсқәа раантәи Аџьынџьтәылатә еибашьра Аиааира 31-шықәса ахыҵраз аныҳәатә уснагӡатәқәеи Аԥснытәи Аҳәынҭқарратә университет аҟны имҩаԥгахо «Шамбатә ԥхьарақәеи» рылахәразы.