Аԥсны адәныҟатәи аусқәа рминистрра абҵара 15 рзы аҭыԥ змаз ахҭысқәа азакәантә мчра ахҳәаразы аҽазышәара аҳасабала иахәаԥшуеит. Иҟалаз ҳҳәынҭқарра жәларбжьаратәи ахаҿсахьа ааха анаҭоит, ҳстратегиатә ҩыза – Урыстәылатәи Афедерациеи ҳареи ҳаизыҟазаашьақәа иҽеимкәа ианыруеит.

Аԥсны Аҳәынҭқарра ахада Аслан Бжьаниа ареспубликаҿы дыҟоуп, атәыла напхгара азиуеит. Аҳәынҭқарра ҭышәынтәаланы аус ауразы иахәҭоу аусмҩаԥгатәқәа зегьы мҩаԥысуеит, аҳәынҭқарратә мчратә усбарҭақәа зегьы аштаттә режим ала аус шыруыц ируеит.